Rubi: “Realak ez dizu arnasa hartzen uzten”

0

Joan Francesc Ferrer, Rubik atzo Realari buruz nabarmendu zuenez, “futbolean oso ondo jokatzen duen taldea da; menderatu egiten zaitu eta ez dizu arnasa hartzen uzten”. “Defentsan oso partida ona egin beharko dugu beste behin, eta hori kosta egiten zaigu, baina horretan jarri beharko dugu gure arreta, eta ez bakarrik hasten diren jokalariak kontrolatzeko, baita atera ahal daitezkeenak ere. Izan ere, bakar batzuk kontrolatzea ez baita nahikoa, sekulako gaitasuna duten beste ba-tzuk aterako zaizkigulako”, zehaztu du Almeriako entrenatzaileak.

Rubik garbi esan zuen, une honetan Realaren aurkako partida besterik ez duela buruan, ez datorren igandean mailari eusteko lehian aurkari zuzena duen Valladoliden aurkakoa; bere hitzetan “partida guztietan lehiatu behar dugu, nahiz eta taldeari etxetik kanpo asko kostatzen ari zaion”.

“Sailkapeneko goialdean lau onenen artean dagoen taldearen aurka jokatu behar badugu ere, ezin dugu Realaren partidan beste ezertan pentsatu. Hanka-sartze itzela litzateke. Gero, auskalo zer nolako partida jokatuko dugun, eta agian, horretan buru-belarri ez geundenaren itxura emango dugu, baina une honetan ehuneko ehunean horri begira gaude”, adierazi zuen.

“Zuhur jokatu behar dugu, eta partida bakoitzaren bila irten; jakinda abantaila bat badugula, izan ere, aukera guztiak gure esku baitaude. Lehenengoan ez bada bigarrenean izan beharko du, eta bigarrenean ez bada hirugarrenean, baina hiru aukera oso argi ditugu”, azpimarratu zuen.

source

About The Author

Deja una respuesta

Tu dirección de correo electrónico no será publicada. Los campos obligatorios están marcados con *